Kritikal ang kondisyon sang isa ka traffic enforcer matapos nga ginbungguan sang isa ka pribado nga salakyan sa Barangay Bagbaguin, Santa Maria, Bulacan.
Natabo ang insidente kahapon sang aga,Enero 14.
Ang biktima amo si Salvador Dela Cruz, 51, isa ka municipal traffic enforcer halin sa Barangay Parada, Sta. Maria.
Ang suspect naman amo si Philip Cris Antonie Baynito, 31, residente sang Ramon Magsaysay, Quezon City.
Yara na subong sa kustodiya sang Santa Maria PNP ang driver.
Gin-ako naman sini nga natulugan siya samtang nagamaneho rason sang pagluntad sang aksidente.
Suno kay Baynito, bag-o lang ini nakagwa halin sa trabaho kag padulong na sa North Luzon Expressway agud magpauli sa Quezon City.
Kaso nga serious physical injuries ang ginpasaka batok sa iya.
