Ginpangunahan ni Iloilo 5th District Representative Raul “Boboy” Tupas ang pagbukas sang 5th Congressional District Sports Association Meet 2025 sa Barotac Viejo, Iloilo.
Sa interview sang Bombo Radyo kay Rep. Tupas, iya ginpahayag nga naintindihan niya nga kalabanan sa mga opisyal sang Iloilo ang busy rason nga wala nakatambong sa amo nga kahiwatan.
Suno kay Tupas, ginakalipay niya ang liwat nga pag-host sang Barotac Viejo sa CDSA Meet bangud kapin duha na ka dekada sang ulihi nag-host ang amo nga banwa.
Gin-abi-abi man sang mamalidha ang presensya ni Iloilo Vice Governor Ting-ting Garin nga kilala man nga kaalyado ni Iloilo Governor Arthur Defensor Jr. sa nagligad nga eleksyon.
Wala naman makatambong sa aktibidad si Governor Defensor bangud sa nagpadulong ini sa banwa sang San Dionisio agud magtambong sang inagurasyon sang teen center.
Nahibaluan nga si Anilao, Iloilo Mayor Lee Ann Debuque ang napilian ni Governor Defensor nga mangin ka-tandem sa 2025 midterm elections bilang iya bise-gobernadora, kon sa diin, makasumpong sini si Rep. Boboy Tupas.
