May panibag-o nga pagsaka sa presyo sang produktong-petrolyo sa masunod nga semana.
Base sa tatlo ka nauna nga trading days sa Singapore’s Mean of Platts, ang presyo sang diesel kag kerosene ang nagsaka na sang dos pesos kada litro samtang ang presyo naman sang gasolina ang nagsaka na sang masobra sa P1.50 per liter.
Pahayag sang Department of Energy (DOE), ang mayor nga rason sa pagtaas sa presyo amo ang bag-o nga sanctions sang Estados Unidos sang Amerika sa Russia.
Iga-anunsyo ang final price adjustments sa Lunes, Enero 20, kag ipatuman epektibo sa Martes sang aga, Enero 21.
Nahibaluan nga sa nauna nga duha ka semana sa 2025, naglab-ot na sa P2.30 ang ginsaka sa presyo sa diesel kag P1.80 kada litro sa gasolina.
