Ipatuman sa masunod nga semana ang panibag-o nga pagsaka sa presyo sang produktong-petrolyo nga amo ang nagamarka sang ikatatlo nga sunod-sunod nga semana sang price hike.
Santo sa international fuel trading sa nagligad nga apat ka adlaw, yari ang ginabanta nga pagtaas sa presyo suno sa Department of Energy-Oil Industry Management Bureau:
Gasoline – P1.35 to P1.60 per liter
Diesel – P2.30 to P2.60 per liter
Kerosene – P2.30 to P2.50
Pahayag pa sang DOE, ang mga isyu sa international oil market amo ang nag-impluwensya sa price adjustments, lakip na ang bag-o nga sanctions sang United States kag United Kingdom batok sa Russian oil.
Iga-anunsyo sang fuel companies ang pinal nga price adjustments sa Lunes kag ipatuman epektibo sa Martes sang aga.
Halin sang nagsugod ang 2025, yara na sa P1.80 per liter ang ginsaka sa gasoline kag kerosene samtang ang diesel naman ang nagsaka na sa P2.30 per liter.#
