Gintuad sang Iloilo Provincial Tourism Office nga ginaplano na sang provincial government nga himuon nga independent sa Dinagyang Festival ang Kasadyahan sa Kabanwahanan.
Sa interview sang Bombo Radyo kay Mr. Bombette Marin, head sang Iloilo Provincial Tourism Office, iya ginpahayag nga ginaplano na sang probinsya nga sayluhon ang Kasadyahan sa Kabanwahanan kag ibutang ini sa selebrasyon sa Semana sang Iloilo sa kada Abril.
Suno kay Marin, tun-an anay nila ini sang maayo paagi sa bulig sang Iloilo Festivals Foundation Incorporated.
May kaangtanan naman sa nagahilapit nga Kasadyahan sa Kabanwahanan 2025 Tribes Competition sa Enero 25, 2025, nagpasalig si Marin sang mas matahum kag maduagon nga performances sang mga nagapartisipar nga mga banwa.
Ini ang ginalakipan sang masunod:
- Kaing Festival of Leon
- Banaag Festival of Anilao
- Haw-as Festival of Dumangas
- Tawili Festival of San Rafael
- Tangyan Festival of Igbaras
- Tinuom Festival of Cabatuan
- Tultugan Festival of Maasin
- Cry of Jelicuon Festival of New Lucena
- Hirinugyaw-Suguidanonay Festival of Calinog
