Nagdepensa ang Bureau of Fisheries and Aquatic Resources (BFAR) Region 6 may kaangtanan sa pagtukod sang Aquaculture Feed Mill Plant sa Tigbauan, Iloilo.
Ini kasunod sang pagpangakig ni Senate Committee on Agriculture, Food, and Agrarian Reform Chairman Senator Cynthia Villar sa pagpatukod sang Aquaculture Feed Mill Plant sa nasambit nga banwa.
Sa interview sang Bombo Radyo kay BFAR Region 6 Director Remia Aparri, iya ginpahayag nga ang tuyo sang Aquaculture Feed Mill Plant sa Tigbauan amo ang mabuligan ang fishpond operators sa Western Visayas.
Suno kay Aparri, ang planta ang makahatag sang produkto nga nagahalin sa mga isda bangud ang rehiyon ang isa ka fish producing region nga mahimo man makabulig sa aqua culture industry sang pungsod.
Nagapati man ang natungdan nga makabulig ini sa pagpataas sang produksyon sang isda sa rehiyon.
Ginpahayag man sini nga may mga components pa sa planta ang indi pa hitso nga maka-produce apang, ginalantaw nga mangin handa sa operasyon ang planta sa 2nd quarter sang 2025.
Sa subong, yara na sa 90% completion ang planta.
Nahibaluan nga ang proyekto ang isa ka kolaborasyon kaupod ang Southeast Asian Fisheries Development Center (SEAFDEC).
Nagpanindugan man si Aparri nga mas kabisado sang SEAFDEC ang amo nga operasyon rason nga nag-collaborate sila.
Gin-athag man sini nga ang concern ni Sen. Villar amo ang legislation nga dapat i-turnover sa Local Government Unit ang planta pagkatapos sang iya nga termino bilang director sang BFAR 6.
