Nagpanugyan ang Iloilo City General Services Office sa mga vendors sang kiosks nga magabaligya sa Dinagyang Festival 2025 nga magdala sang kaugalingon nga wastebin ukon basuran.
Sa interview sang Bombo Radyo kay Engineer Niel Ravena, head sang General Services Office, iya ginpahayag nga ang tikang ang may tuyo nga indi maka-overwhelm sa mga basurahan nga ginpreparar man sang ila talatapan.
Suno kay Ravena, nagadamo ang mga nagasunod sa naga-blocking nga mga tribu nga nagatuga man sang mas dugang nga volume sang basura sa dalan.
Gin-athag man sini nga ginatinghuwaan sang ila opisina nga ma-accommodate ang tanan nga basura paagi man sa pagbutang sang mga basurahan sa pila ka judging areas.
Nagbutang man sang portalets ang GSO agud nga mas accessible ang comfort room sa mga tumalan-aw kag bisita.
