Gin-veto ni President Ferdinand Marcos Jr. ang ginduso nga hagna nga nagatuyo sa pagtukod kag pagpasangkad sang Philippine National Games (PNG).
Santo sa veto message sang presidente nga ginpadala sa Kongreso, nagapati siya nga ang pag-establisar sang amo nga national sports program ang magahatag sang madamo nga benepisyo sa pungsod partikular na ang pag-establisar sang team sang national athletes.
Apang dugang niya, paagi sa ginduso nga hagna, maga-duplicate ang paninguha kag ang pondo para sa national sports program sa baylo nga makahatag sang dugang nga benepisyo.
Ginplastar sini ang Republic Act 10588 ukon ang Palarong Pambansa Act of 2013 nga nagatuyo sa pag-promote sang physical education kag paghaylo sa sports programs kag mga kumpetisyon lakip na ang paghanas para sa international events samtang nga ginatun-an ang disiplina, kaalam, kag importansya sang teamwork.
Dugang ni Marcos, ang probisyon sang hagna nga magtuko sang PNG Board bilang isa ka policy-making and coordinating body bilang preparasyon sa PNG ang naga-anggid na sa Section 8 sang RA 10588 nga amo naman ang nagatukod sa Palarong Pambansa Board bilang lead policy-making and coordinating body para sa preparasyon sa Palarong Pambansa.
Bangud sini nga mga rason suno kay Marcos, nagapati siya nga kun may tukuron pa gid nga PNG, may matabo nga functional duplication, leadership confusion, kag inefficiency.
Dugang sang chief executive, ang ginaduso nga P1 million appropriation sa PNG ang inconsistent sa legislative function sang budget authorization process paagi sa enactment sang appropriation.
“As a policy, the funding of programs and projects, such as national sports programs , should be subject to the usual budgeting process and congressional authorization, which take into account the availability of resources, estimated funding requirements vis-a-vis expected output, sustainability, and budgetary priorities,” dugang sini.
“As such, pursuant to Section 27(1), Article 6 of the 1987 Constitution, I am constrained to veto the enrolled Senate Bill No. 2514/House Bill No. 8468, titled An Act Expanding and Institutionalizing PNG and Appropriating Funds Therefore,” kabahin pa sang iya nga veto message.
