Ginmando na sang alkalde sang Zamboanga City ang gilayon nga pagpangita kag pagdakop sa mga responsable sa pagtiro-patay sa isa ka mag-asawa sa Brgy. Boalan, Zamboanga City.
Ang mga biktima nga napatay amo sanday Fathie Bara Loong kag asawa nga si Bai Rivalia.
Base sa report sang pulis, hinali lang nga ginpalapitan sang gunman ang biktima nga si Loong kag gintiro nga sang amo nga tion, ginalantaw ang konstruksyon sang ila nga tindahan sa lugar.
Sunod naman nga gintiro ang asawa nga nagapungk sa sulod sang ila nga van tupad ang ila apat ka tuig nga bata nga babaye nga wala gintandog sang suspek.
Gilayon nga ginmando ni Mayor John Dalipe ang paghugot sang seguridad sa lugar kasunod man sang ginapatuman nga gun ban bangud sa nagahilapit nga midterm elections.
