Nagpahamtang sang dugang nga mga basurahan ang General Services Office sa palibot sang City Proper Area kadungan sang pagsugod na sang mga aktibidad sa Dinagyang Festival 2025.
Sa interview sang Bombo Radyo kay Engr. Niel Ravena, head sang General Services Office, iya ginpahayag nga ginapaabot na nila ang pagdoble sang volume sang basura ilabi na sa mga judging areas bangud sa paglantaw sang mga tawo sa blocking sang mga tribu kun sa diin may yara man sang mga mobile kiosk nga nagabaligya sang pagkaon nga kalabanan nga source sang basura.
Suno kay Ravena, mas magadamo pa gin ang volume sang basura bangud sa pagsugod naman sang food festival.
Nagpangabay man ini sa mga merchants nga mag-provide sang kaugalingon nga garbage bags agud may yara sang mahabuyan sang basura ang mga tawo.
