Ginkakas sang Local Economic Enterprise Office (LEEO) ang signage sang pangalan sang isa food kiosk sa Dinagyang Festival 2025.
Ini matapos natukiban nga may mga tinaga nga indi nagakaigo para sa publiko.
Sa interview sang Bombo Radyo kay Mr. Nestor Canong, head sang Local Economic Enterprise Office, iya ginpahayag nga ang tinaga sa amo nga kiosk ang nagahatag sang malain nga panan-awan sa Iloilo City.
Suno kay Canong, nagahatag ini sang indi manami nga imahe sa syudad bangud ang tinaga ang isa ka pamuyayaw.
Ginbuyagyag man sini nga ang tuyo lang kontani sang nagapanag-iya sang kiosk amo ang maka-attract sang madamo nga customer.
Nahibaluan nga gilayon nagmandu si Iloilo City Mayor Jerry Treñas sa talatapan nga islan ang pangalan sang kiosk bangud kon indi, ipasirado ini sang alkalde.
