Liwat nga nakuha sang Tultugan Festival sang Maasin ang kampyonato sa Kasadyahan sa Kabanwahanan 2025 nga isa sa highlights sang Dinagyang Festival 2025.
Napauli sang Maasin ang P1.2 million cash prize lakip na ang BEST IN MUSIC, BEST IN PERFORMANCE, BEST IN CHOREOGRAPHY, kag BEST IN PRODUCTION DESIGN.
Gindeklarar naman nga 1st runner up ang Tribu Jalaud sang Hirinugyaw-Suguidanonay sang Calinog nga may cash prize nga P700,000.
Nakuha man sang Tribu Jalaud ang BEST IN STREET DANCING, BEST IN DISCIPLINE, kag BEST IN COSTUME.
Ang Kaing Festival sang Leon ang gindeklarar man nga 2nd runner up sa amo nga paindis-indis kag nagpauli sang cash prize nga P500,000.
Banwa man sang Leon ang nakabaton sang PEOPLES CHOICE AWARDS sa Kasadyahan sa Kabanwahanan 2025.
