Naglab-ot sa masobra 250 tonelada sang basura ang natipon sang Iloilo City General Services Office (GSO) subong nga Dinagyang Festival 2025.
Sa interview sang Bombo Radyo kay Engineer Niel Ravena, head sang General Services Office, iya ginpahayag nga nagsugod ang ila isip sang Huwebes, Enero 23 kon sa diin, adlaw man sang pagsugod sang food festival.
Suno kay Ravena, ang nasambit nga numero ang natipon sang lima ka adlaw halin sa palibot sang City Proper.
Ginpahayag man sini nga sa adlaw mismo sang Dinagyang Festival ang may pinakamadamo nga natipon ang ila talatapan nga naglab-ot sa 70 tons.
Nagdangat naman sa 16 ka mga truck ang nagamit sang GSO sa pagpanipon sang basura kasunod sang kahiwatan.
