May yara sang isa ka pulis sa China nga tuman ang nakuha nga suporta gikan sa mga tawo.
Apang, ang ini nga pulis, indi tawo kundi isa ka ido.
Ini amo si Fuzai, isa ka Corgi, nga nag-upod sa police dog training nga nakabase sa Weifang, Shandong province, sa northern China.
Bilang isa ka four-month-old puppy, si Fuzai ang gin- draft bilang reserve explosives detection operative sang January 2024.
Matapos ang pila ka bulan, nangin internet sensation ini sa Chinese social media kag madamo na ang naga-follow kag nagasuporta sa iya.
Sang nagligad lang nga adlaw, gin-istoryahan gid sang publiko ini nga ido matapos gin-anunsyo sang ila nga hepe nga indi siya paghatagan sang year-end bonus subong nga Chinese new year.
Ang rason amo nga natulugan ini sa iya trabaho kag nangihi pa sa salog….
Matapos nahibaluan sang mga tawo, madamo ang nagpabutyag sang suporta sa iya kag naglunsar pa sang online campaign.
Ang resulta, gin-anunsyo sang ila hepe nga apisar indi ini paghatagan sang bonus, hatagan sa gihapon ini sang madamo nga new year gift package.
