Nagsaka pa sa tatlo ang napatay sa disgrasya sa Tacas, Jaro, Iloilo City sang Enero 27, Lunes sang kaagahon.
Ang nagdugang sa duha ka napatay amo ang isa ka 27-anyos nga lalaki nga sakay man sa Mitsubishi Mirage nga nakabunggo sa isa ka wing van truck.
Ini ang ginkumpirmar ni Police Corporal Andy Pava sang Iloilo City Traffic Enforcement Unit.
Una na nga ginbawian sang kabuhi sanday Rizalyn Anacan, 24-anyos, residente sang Brgy. Cayos, Dumangas kag Kim Joseph Sumaguio, 22, residente sang Sta. Barbara, Iloilo.
Matandaan nga walo ang sakay sang kotse sang natabo ang insidente.
Nakagwa na man sa ospital ang apat pa ka mga biktima samtang ang isa pa ka kaupod nila nga babaye ang padayon pa nga ginabulong.
