Nagapati si Iloilo City Councilor Rex Marcus Sarabia nga indi offensive sa selebrasyon sang Dinagyang Festival 2025 ang nangin concert ni JK Labajo.
Sa interview sang Bombo Radyo kay Councilor Sarabia, iya ginpahayag nga wala man sang religious activities para sa Dinagyang nga ginahiwat sa ti-on sang concert sang nasambit nga music artist.
Suno kay Sarabia, indi main element sang selebrasyon ang concert ni Labajo kag nagaserbe lamang ini nga background indirect element sang Dinagyang Festival.
Paathag ni Sarabia, ginalantaw niya ang insidente bilang abogado, kon sa diin, indi makonsiderar nga pag-violate sa religious freedom ang gin-ubra sang singer.
Dugang pa sang natungdan, nagapati ini nga kabahin sang artistry ni Labajo sang iya kanta ang pagpabutyag sang “heartache” sang singer.
