Ginalantaw ni former Department of Health (DOH) Sec. Janette Garin nga isa sa mga tikang agud nga mahagan-hagan ang epekto sang suspension sang foreign aid sang Estados Unidos amo ang pabaskugon ang pagpakig-angot sang Pilipinas sa ASEAN Countries.
Sa interview sang Bombo Radyo kay Rep. Garin, iya ginpahayag nga dako ang epekto sang amo nga suspension, indi lamang ikaayong-lawas kundi lakip man ang edukasyon ilabi na nga wala sang window period nga ginhatag.
Suno kay Garin, mangin mabudlay ini sa Pilipinas ilabi na sa pagpakigbato sa tuberculosis kon sa diin, dako nga kabahin ang foreign aid sang Estados Unidos.
Nagalaum man si Garin nga temporaryo lamang ang suspension.
Nagapati man ang natungda nga tion na agud nga magbinuligay Association of Southeast Asian Nations agud indi na magsalig pa sa Estados Unidos.
Gin-ako man sa bahin sang Iloilo Provincial Agriculture Office nga apektado man ang sektor sang agrikultura sa suspension sang foreign aid sang Estados Unidos.
Suno kay Dr. Ildefonso Toledo, head sang Iloilo Provincial Agriculture Office, ang foreign aid ang nag-finance sang ila training agud maplastar ang climate field school nga flagship project sang talatapan.
