Ginsaysay sang isa ka suod nga deboto ni Nuestra Señora de la Candelaria de Jaro ang mga nabulig sa iya sang marian image.
Sa interview sang Bombo Radyo kay Emilita Agudilos, deboto, iya ginpahayag nga sugod nga nagpakigbahin siya sa pagsimba kay Nuestra Señora de la Candelaria, amat-amat man nga nagmayo ang iya mga balatian.
Nagapati siya nga paagi sa iya nga pagpangamuyo, naayo siya sa iya ginsuprer nga high blood, diabetes, kag pneumonia.
Suno kay Agudilos, ang paghangop kag himpit nga pagtuo niya kay Nuestra Señora de la Candelaria ang naghatag sa iya sang kabaskog agud nga magpadayon sa pangabuhi.
Nagalaum man ang natungdan nga mangin malinong kag wala sang ano man nga sablag ang pagselebrar subong nga tuig sang kapyestahan sang Jaro.
