Ginpatpat sang isa ka public law expert nga ang executive clemency nga ginahatag sang presidente sa mga tawo nga na-sentensyahan sang criminal ukon administratibo ang makapamag-an sang kaso ukon lubos nga makapadula sang sentensya.
Sa interview sang Bombo Radyo Atty. Alfredo Arungayan III, Bombo Abogado, iya ginpahayag nga ang executive clemency ang pagpabutyag sang presidente sang iya kaluoy kag compassion nga ginahatag sa tawo nga napamatbatan sang kaso.
Suno kay Arungayan, may limitasyon man sa kon sin-o ang pwede nga makabaton sang clemency.
Lakip na diri ang mga public officials nga na-impeach, mga tawo nga na-convict sa electoral offenses, kag makabaton lamang sang executive clemency ang tawo nga may final judgement na sa iya nga kaso.
Nahibaluan nga sa idalom sang layi sang Pilipinas, ang presidente lamang ang may gahum nga maghatag sang executive clemency.
