Gin-appoint ni President Ferdinand Marcos Jr. bilang bag-o nga President kag Chief Executive Officer (CEO) sang Philippine Health Insurance Corporation (PhilHealth) ang orthopedic surgeon nga Dr. Edwin Mercado.
Si Mercado ang nagtal-os kay Emmanuel Ledesma Jr. kag opisyal nga nagpanumpa subong nga adlaw.
Ang appointment ni Mercado ang natabo matapos gintawag sang pila ka mga health advocates ang pagsaylo sang P60 billion nga pondo sang state insurer sa national treasury bilang “murder” sang Universal Healthcare.
Si Mercado nagserbe bilang vice chairman sang Mercado General Hospital/Qualimed Health Network halin sang Marso 2021 sa diin ginpakita niya ang leadership subong man ang executive kag strategic planning expertise.
Ang natungdan ang isa ka Doctor of Medicine graduate sang University of the Philippines sang 1987 kag nakatapos sang iya Master of Medical Sciences sa Global Health Delivery gikan sa Harvard Medical School sang 2023.
