Indi magnubo sa 10 ang ginapatihan nga napatay kalakip na ang gunman sa natabo nga mass shooting sa isa ka eskwelahan sa Sweden.
Natabo ang insidente sa Risbergska school for adults kag nahamtang sa syudad sang Orebro, nga 200 kilometers ang kalayuon sa nakatundan sang Stockholm.
Suno sa otoridad, possible pa nga madugangan ang numero sang patay bangud may mga pilason nga gindala sa ospital kag nag-angkon sang malala nga mga igo sang bala.
Ginpahayag sang pulis nga wala sang suspected nga koneksyon sa terorismo ang natabo.
Sunod naman nga gin-raid sang otoridad ang balay sang suspek.
Indi pa maathag ang motibo.
Nagpahayag naman si Swedish King Carl XVI Gustaf sang pagpakig-unong sa pamilya sang mga biktima.
