Ginpabugal ni House Speaker Martin Romualdez nga nagbato ang Kamara para sa ikaayo sang mga pumuluyo nga Pilipino, nagpanindugan batok sa kurapsyon, kag naglikaw nga madala sang pwersa nga amo ang nagapaatrasar sang pag-umwad sang nasyon.
Kaundan ini sang speech sang house speaker kagab-i, Pebrero 5, antes nag-adjourn ang session sang Kamara para sa midterm elections.
“Isinulong natin ang interes ng sambayanan. Lumaban sa mga puwersa ng kadiliman. Hindi umatras sa kampon ng kasamaan,” kabahin sang speech samtang nagapalakpak naman ang iban nga mga mamalidha.
Ginpahayag sini nga wala nagapalagyo ang Kamara sa mga katungdanan sini sa tawo. Ginsulit man sini nga nagaserbe sila sa publiko kag nagapati nga wala sang institusyon nga mas mataas pa sa republika kag wala sang ambisyon nga mas mataas pa sa Konstitusyon.
“From the outset of the 19th Congress, we committed ourselves to a singular purpose: to be the vanguard of progress, the custodians of justice, and the architects of a future where every Filipino, regardless of station, has access to opportunity, security, and dignity. We have not wavered. We have not faltered,” dugang niya.
“This chamber has been a crucible of ideas and action, where principled debates gave birth to policies that strengthened our institutions, empowered our people, and fortified our economy.”
Dugang pa sang house speaker, napasar nila ang 75 national laws kag 112 local laws lakip ang 30 Legislative-Executive Development Advisory Council (LEDAC) priority measures. Walo diri suno sa iya ang may direkta nga suporta sa Bagong Pilipinas vision ni President Ferdinand Marcos Jr.
Ini nga closing speeach ang natabo inoras matapos sini ginpangunahan ang session kun sa diin na-istoryahan ang impeachment complaints batok kay Vice President Sara Duterte.
