Patay ang pinuno sang Land Transportation Office (LTO) sa Pikit, Cotabato matapos nga gintiro sa sulod sang iya salakyan sa Barangay Inug-ug, Pikit, Cotabato.
Ang biktima amo si Johnson Edil, nga nagaserbe man nga political chairman sang Moro Islamic Liberation Front-Bangsamoro Islamic Armed Forces (MILF-BIAF).
Base sa inisyal nga imbestigasyon, nagpalapit ang mga suspek sa salakyan sang biktima kag ginluthang sang pila ka beses.
Padayon pa ang imbestigasyon agud hibaluon ang motibo sa krimen kag makilala ang mga tawo sa likod sang pagpangluthang.
