Naglunsyar sang rebranding ang Kabataan Tayo ang Pag-asa para sa matinlo kag tampad nga 2025 midterm elections.
Sa interview sang Bombo Radyo kay Arlie Bosque, Lead Convenor sang Kabataan Tayo ang Pag-asa, iya ginpahayag nga ang alyansa ang ginpasakopan sang mga aktibo nga organisasyon sang mga kabataan sa Western Visayas.
Suno kay Bosque, naga-calibrate lang ang amo nga hublag kada eleksyon kon sa diin, may mga poll watchers kag may yara man sang mga naga-volunteer agud mag-edukar nahanungod sa insakto nga pagboto.
Nagakoordinar man ang amo nga alyansa sa pila ka community group agud mas mapasangkad ang pagdul-ong sang right voting.
Ang organisasyon ang isa man ka pagpakita sang ‘response’ sa bulok nga sistema sang pamulitika sa Pilipinas.
2015 sang natukod ang Kabataan Tayo ang Pag-asa agud mangin tingog sa mga issues nga ginapangatubang sang pamatan-on.
