Nagapangatubang subong ang Japan sang shortage sang bulong batok sa flu.
In sa tunga sang flu outbreak nga ginakabig nga isa sa pinakamalala sa maragtas sang pungsod.
Suno kay Bombo Josel Palma, international correspondent sa Japan, humalin sang Disyembre 2024, nagakaubos na ang mga bulong sa mga ospital kag mga botika bangud sa panic-buying.
Ini nga shortage ang bangud sa indi palareho nga stock distribution nga dala sang hoarding sang pila ka medical institutions.
Base sa record sang Japan Ministry of Health, Labor, and Welfare sang Enero y 11, 2025, ang final week sang December 2024 ang may pinakamataas nga weekly flu caseload.
Kapin sa 5,000 designated medical institutions ang nag-report sang 317,812 patients sang amo nga semana- ukon may average nga 64.39 cases sa kada facility – nga lapaw sa warning threshold sang gobyerno nga 30.
Bilang sabat sa outbreak, ginapanugyanan gid sang gobyerno ang mga pumuluyo nga magsuksok sang face mask kag magpabakuna.
Matandaan nga isa sa mga napatay bangud sa flu amo ang sikat nga Taiwanese actress nga si Barbie Hsu nga nagbakasyon lamang sa Japan sang nag-angkon ini sang influenza-associated pneumonia kag nagresulta sa mga komplikasyon tubtob nga ginbawian ini sang kabuhi sang Pebrero 2.
