Ginpatpat sang isa ka health expert nga madamo sang ‘risk factors’ agud makaangkon ang isa ka tawo sang balatian nga diabetes.
Sa interview sang Bombo Radyo kay Dr. Aretha Gacutan Liwag, Faculty sang West Visayas State University – College of Medecine, iya ginpahayag nga may mga palatandaan agud matumod kon may risgo ang isa ka tawo sa pagsuprer sang diabetes.
Suno kay Liwag, lakip sa factors amo ang lifestyle ukon pangginawi sang isa ka tawo sa adlaw-adlaw.
Kon ang tawo ang wala masyado sang mga activities nga ginahimo, possible ini nga maka-eksperyensya sang nasambit nga balatian.
Ginpahayag man sang natungdan nga ang pagkaon sang matambok, mantikaon, kag matam-is ang makadugang sang factor sa pag-angkon sang balatian.
Ang hinay-hinay nga pagdako sang lawas ang senyales man nga may risgo ang isa ka tawo sa diabetes.
Nagpanugyan man ini sa publiko nga likawan magkaon sang mga nasambit nga pagkaon agud mapabilin nga malayo sa diabetes.
