Wala pa napasakaan sang kaso ang suspek sa pagpangawat sang cellphone sa isa ka pharmacy sa distrito sang Jaro sang Pebrero 6.
Sa interview sang Bombo Radyo kay Police Captain Gimel Acuesta, Hepe sang Iloilo City Police Station (ICPS) 9, iya ginpahayag wala nahingagaw nga ipasaka ang kaso nga theft batok kay Roberto Salon bangud nag-lapse ang 18 ka oras nga reglementary period kay nagpauli ang cashier nga amo ang company representative kag otorisado nga tagreklamo.
Dugang pa sang natungdan, ipaidalom nalang sa regular filing ang kaso.
Gilayon naman ini nga gin-turnover sang ICPS 9 sa ICPS 2 sa distrito sang Lapaz bangud may standing warrant of arrest ini may kaangtanan man sa pagpangawat.
Sa subong, wala sa gihapon mabalik ang cellphone nga ginkuha sang suspek kun sa diin, ulihi ini nga ginpahayag nga gindala ukon ginbaligya ini sa banwa sang Sta. Barbara.
