Nabuhuan gid ang tiyan sang isa ka 70-anyos nga lolo matapos nga ginsungay sang karabaw sa Camotes Island, Cebu.
Ang biktima amo si Samuel Contridas, may asawa kag residente sang Barangay Dapdap, Pilar sang amo nga banwa.
Ginpahayag nga nagakuha sang panggatong nga kahoy ang biktima sa bukid sang gin-atake kag ginsungay sang karabaw nga nakabuya sa iya higot.
Nagdulot gid ang sungay sang karabaw sa tiyan sang tigulang.
Nasapwan nalang sang iya nga pamilya ang bangkay sang biktima pila ka oras matapos ang insidente.
