Tuman ang pagpasalamat sang Filipina beauty queen nga si Dia Mate sa iya mga taga-suporta matapos nga ginkoronahan ini bilang Reina Hispanoamericana 2025.
Ini ang pangaduha nga titulo sang Pilipinas sa amo nga pageant kasunod sang una nga nakuha ni Winwyn Marquez sang 2017.
Suno sa 22-anyos nga singer-songwriter, wala siya naghaum nga magdaog sa kumpetisyon apang nagsalig siya sa destiny matapos ang anum ka bulan nga preparasyon.
“I feel like I’m on cloud nine. I did not expect to win, but I gave it all to God. I told myself, if I’m meant to win, it’s my destiny—and it was my destiny,” pahayag sini. “It hasn’t really sunk in yet but everything was worth it in the end for me.”
Ginpakigbahin sini nga gab-i antes ang koronasyon, naga-send pa siya sang videos sa iya coach nga si Miss Grand International 2024 runner-up CJ Opiaza para nga malantaw ang iya nga pasarela.
Magluwas sa iya triple turns kag stunning pasarela, isa pa ka standout moment kay Mate amo ang pagkanta sini sang Selena classic nga “Como La Flor” sa swimsuit competition.
Nagpasalamat ini sa oportunidad nga mapakita ang iya talent ilabi na bangud suno sa iya, first home sini ang music.
Tatlo ka semana ini nga yara sa Boliva para maenad sa kultura, lenggwahe, kag iban pa antes ang kumpetisyon.
Bag-o nakuha ang korona, si Mate man ang ginhingadlan nga Best in National Costume.
Ang iya runners-up sa kumpetisyon amo sanday:
Primera Finalista – Miss Colombia
Segunda Finalista – Miss España
Tercera Finalista – Miss Perú
Cuarta Finalista – Miss Brasil
Quinta Finalista – Miss Polonia
