Ginpasigurado sang Philippine National Police (PNP) ang seguridad sa grand rally sang Alyansa para sa Bagong Pilipinas kag sang mga senatoriables nga gina-endorso sang administrasyon ni Pres. Ferdinand Marcos Jr. sa Mandurriao, Iloilo City.
Sa interview sang Bombo Radyo kay Police Captain Val Cambel, hepe sang Iloilo City Police Station (ICPS) 10, iya ginpahayag nga may screening area antes magsulod sa venue agud masiguro nga filtered kag wala sang kontrabando ukon iban pa nga mga ginadumulian nga pagkabutang sa amo nga kahiwatan.
Suno kay Cambel, kahapon pa lang nga adlaw, may ginpatuman na sila nga security measures kon sa diin, may nagakaigo nga numero sang mga kapulisan ang ipahamtang sa pila porsyon sang syudad.
Magluwas sa PNP, may yara man sang presensya sang Armed Forces of the Philippines (AFP), Philippine Coast Guard (PCG), Bureau of Fire Protection (BFP) kag pa nga mga Law enforcement agencies.
Ginpasiguro man si Cambel nga ma-implementar sang maayo ang traffic regulation kasunod sang ila pagkoordinar sa Iloilo City Traffic Management Unit (ICTMU).
