Padayunon ni former Senator Panfilo “Ping” Lason ang iya pagbantay sa ‘kaban ng bayan’ kon siya ang mangin mapalaron sa 2025 midterm elections.
Ini ang iya ginpayag matapos ang grand rally sang Alyansa para sa Bagong Pilipinas sa Gaisano Iloilo City Center sa Benigno Aquino Ave., Diversion Road, Mandurriao, Iloilo City.
Sa interview sang Bombo Radyo kay Lacson, iya ginpahayag nga indi sini luyag ang korapsyon partikular sa national budget.
Suno kay Lacson, iya na-obserbahan sa national budget sa nakaligad nga walo ka tuig, sugod sang 2016 tubtob 2023, ang ‘unused appropriation’ ang yara sa average nga P350 billion kada tuig.
Nakita man sini nga ang mga insertions nga nahimo sang mga legislators ang wala sang konsultasyon kaupod ang implementing agencies.
Nagapati man ang natungdan nga madamo pa siya sang sarang nga mahimo sa Iloilo ilabi na sa pag-download sang resources sang national government sa tagsa ka local government agud mapatuman ang local development plan.
