Labi pa gid nga na-excite ang mga pageant fans para sa Miss Universe Philippines 2025 nga ginabansagan subong nga “Puksaan” edition.
Ini matapos nga nakit-an ang pageant veteran nga sio Athisa Manalo sa ginpatigayon nga Miss Universe Philippines contract signing sa Makati, kahapon.
Si Manalo, nga amo ang reigning The Miss Philippines-Cosmo 2024, ang kaupod sang iban nga 2025 MUPH delegates sa venue.
Mismo ang isa ka insider halin sa Miss Universe Philippines Organization (MUPH) ang nag-confirm nga ang entrepreneur halin sa Quezon Province ang present sa contract signing event, kag liwat nga magaintra sa national pageant.
Sang nagligad nga tuig, nag-intra si Manalo sa MUPH 2024 kag nagtapos ini nga third sa finals kun sa diin nakuha ni Chelsea Manalo ang titulo.
Sunod nga ginhatagan si Ahtisa sang iya national title bilang The Miss Philippines-Cosmo 2024 kag gintiglawas ang Pilipinas sa first edition sang Vietnam-based Miss Cosmo pageant. kun sa diin nalakip ini sa Top 10.
Madumduman nga nag-compete man si Manalo kaupod kay 2018 Miss Universe Catriona Gray sa Binibining Pilipinas pageant kun sa diin nakuha niya ang Bb. Pilipinas international title kag nangin 1st runner-up naman sa Miss International 2018.
Sa subong, indi pa maathag kun ano matabo sa iya The Miss Philippines-Cosmo title bangud sa liwat niya nga pag-intra sa Miss Universe Philippines pageant.
