Ginpaathag sang anay presidente sang Integrated Bar of the Philippines (IBP) nga mahimo maka-file sang reklamo ang mga senador kun threatened sila sa lahog nga ginhimo ni former President Rodrigo Roa Duterte nga pangpatyon ang 15 sa ila.
Suno kay former IBP president Domingo Cayosa, bisan nga ang National Bureau of Investigation (NBI) ang dapat manguna sa pag-imbestigar sa komento ni Duterte, importante man kun may yara sang tawo halin sa offended party nga mag-testify sa kabug-at sang ginbuy-an nga statement.
Gintawag man ini nga public crime nga mahimo ma-prosecute sang state.
“This is a public crime. The state can prosecute this. But they need the offended party to testify that ‘I was threatened by that,’” pahayag sini, “…(Senators) can (file a case) if they feel particularly referred to by the statement… Of course, whether or not you get a conviction will depend on the appreciation of evidence and what kind of evidence will be presented by both parties.”
Bisan nga idepensa pa nga isa ini ka joke suno sa iya, indi ini excuse bangud mahimo man nga lantawon ang iban nga sirkumstansya kaangay sang impact sang pamahog sini kag ang kapasidad sang tawo nga maghimo sang amo nga joke.
“Those are circumstances that would contribute to a conviction,” pahayag sini.
Kun balikan, sa proclamation rally sang senatorial slate sang Partido Demokratiko Pilipino – Lakas ng Bayan (PDP-Laban), nag-joke si Duterte nga pangpatyon ang 15 ka mga senador para nga may bakante nga mga pwesto nga mahimo buslan sang iya mga kandidato.
Ang reelectionists nga sanday Christopher “Bong” Go kag Ronald “Bato” Dela Rosa nga long-time allies sang mga Duterte ang nalakip sa lista sang senador nga gina-endorso sang anay punong ehekutibo para sa eleksyon.
