Naglab-ot na sa halos 30 million ka mga balota ang naimprinta sang Commission on Elections (COMELEC) para sa May 2025 national and local elections.
Suno kay Comelec chairman George Garcia, may masobra 72 million ka mga balota nga i-print ang poll body paagi sa National Printing Office (NPO).
Sa 72 million [mga balota nga kinahanglanon sa pag-imprinta], sa karon nakaimprinta na sang halos 30 million. Nagarepresentar ini sang 41% sang kabug-usan nga balota nga kinahanglan nga maimprinta para sa bug-os nga Pilipinas.
Apang, ang numero sang verified ballots tubtob subong yara sa 5.5 million tubtob 6 million lamang suno kay Garcia.
Nakalab-ot man sa 5.5 million tubtob 6 million [mga balota] ang na-verify tubtob subong.
Suno kay Garcia, kaangay sang kuwarta, ang isa ka balota mahimo nga may mga sayop nga natabo sa proseso sang pag-imprinta.
Indi tanan nga balota nga gin-imprinta perpekto nga daw kaangay sang kuwarta nga ginaimprinta, may yara gid sang error.
Ini mahimo nga nautod, ukon may error sa color, ukon may mantsa.
Ini ang rason suno kay Garcia kun ngaa may mga rejected nga balota.
Nagalab-ot sa 7 tubtub 8% ang mga rejected ukon depektibo nga mga balota, kon sa diin, indi mataas; kag makabig sang talatapan nga manubo.
Apang, sa tagsa ka gina-reject nga balota, ang isa ka bag-o nga balota kinahanglan nga i-imprinta liwat agud magbuslan. Ipaidalom man sa manual kag machine verification ang reprinted nga mga balota.
