Nagapabilin nga yara sa covered gym court ang pila ka mga pamilya nga nasunogan sa Barangay Rizal, Lapuz Sur, Iloilo City.
Ini kasunod man sang ginpahibalo sila nga indi na mahimo makabalik sa ila gintiniran nga duta.
Sa interview sang Bombo Radyo kay Punong Barangay Wilson Allona, iya ginpahayag nga nag-offer na si Iloilo City Mayor Jerry Treรฑas sang relocation site sa mga biktima sang sunog kon sa diin, naghingyo man ang syudad nga i-proseso na nila ang mga papeles.
Suno kay Allona, bisan siya ang nagpanugyan sa mga natungdan nga asikasuhon ang mga rekisitos nga ginapangayo agud makakuha na sila sang kaugalingon nga puluy-an.
Ginpahayag man sini nga yara pa lang sa 3 tubtob 4 ka pamilya ang nag-comply.
Tubtob Marso 25, 2025 naman ang ginhatag nga tyempo sa mga nasunogan agud nga makapasa sang requirements.
Gin-ako man ni Allona nga masami nga siya na ang mga ginabasol sang mga residente bangud indi na magamit ang covered gym bangud man sa mga naga-evacuate.
Nahibaluan nga nagdangat sa P1.2 million ang balor sang kahalitan sang nagluntad nga sunog sa diin isa ka senior citizen ang napatay.
