Gintuad sang isa ka public law expert nga mahimo nga isa lamang ka pamaagi agud nga mapakita ni President Ferdinand Marcos Jr. kag sang iya anak nga si Ilocos Norte 1st District Representative Sandro Marcos nga may lain sila nga pagpati sa impeachment complaint batok kay Vice President Sara Duterte.
Ini kasunod man sa pagpamatok ni Pres. Marcos sa impeachment complaint apisar, nga isa ang iya anak sa una nga nagpirma sa amo nga tikang.
Sa interview sang Bombo Radyo kay Atty. Horace Anthony Panes, Bombo Abogado, iya ginpahayag nga ang mag-amay nga Marcos ang nagahimo sang palaagyan agud nga makahimo sang impression sa publiko nga sila ang may ‘independent beliefs’.
Suno kay Panes, apisar sang may gahum ang presidente nga magpatawag sang special session sa senado agud istoryahan ang impeachment complaint, mahimo sa gihapon nga maistoryahan ini kon maga-resume ang session sa Hunyo 2, 2025.
Ginpahayag man sini nga posible man makapatigayon sang session ang nabilin nga 12 ka senador antes magsugod ang 20th congress.
Apang kon indi naman makaabot, mahimo ini i-file liwat agud mabutang sa agenda kag maka-session kaupod ang bag-o nga mga senador.
