Nagpanugyan ang isa ka dental health expert sa publiko nga likawan ang paggamit sang ‘hard bristles’ toothbrush nga masami nagatuga sang pilas sa ngislo ukon gums.
Sa interview sang Bombo Radyo kay Dr. Ray Kent Julius Grande, isa ka dentista, iya ginpahayag nga ang mabaskog nga bristles sang toothbrush ang mahimo makatuga sang pagkaguba sa surface sang ngipon kag sang ngislo.
Suno kay Grande, mangin sa enamel sang ngipon, makatuga ang mabaskog nga toothbrush sang pagkaguba kag pagnipis sini.
Gin-athag man sini nga mas makapaamayo kon maggamit sang ‘soft bristles’ nga toothbrush.
Indi naman maglapaw sa 2 ka minutos ang insakto nga pamaagi sa pagtoothbrush.
Mahimo naman nga magpanipilyo sang duha tubtob tatlo ka beses sa isa ka adlaw agud indi makaangkon sang cavities ukon tooth decay.
