Ginlamon sang kalayo ang 11 tanan ka mg balay sa relocation site sa Brgy. Buntatala, Jaro, Iloilo City.
Sa interview sang Bombo Radyo kay Kagawad Christian John Porral, iya ginpahayag nga walo diri ang totally damaged kag tatlo naman ang partially damaged.
Samtang 19 tanan ang pamilya nga naapeektuhan nga ginakabug-usan sang 62 ka mga indbidwal.
Magahatag naman sang temporaryo nga matiniran ang Brgy. Officials sa mga biktima sang sunog.
Suno kay Porral kag base naman sa inisyal nga imbestigasyon, wala sang tawo ang balay nga ginhalinan sang sunog rason nga madasig ini nga naglapta sa mga kaingod nga balay.
‘Las 2:21 sang hapon sang ginpasaka sa 3rd alarm ang sunog kag gindeklara nga fire out ‘las 2:58.
Padayon naman ang imbestigasyon sang katapo sang Bureau of Fire Protection sa nagluntad nga sunog.
