Isa ang patay kag duha ang pilason sa matapos ginbuno sang isa ka lalaki ang tatlo ka mga indbidwal sa Barangay Barit, syudad sang Laoag, sang Pebrero 12, 2025.
Ang 30-anyos nga lalaki nga biktima ang nagapungko sa sala sang ginsulod sang 45-anyos nga suspek kag sulitsulit nga ginbuno.
Dayon nga nagsulod ang suspek sa isa ka kwarto sa diin gin-atake sini ang 35-anyos nga babaye kag ang iya 20-anyos nga bata nga lalaki.
Madasig nga nadakpan sang mga barangay officials kag nagresponder nga mga pulis ang suspek.
Gindala sa ospital ang mga biktima, apang gindeklarar nga dead on arrival ang lalaki nga biktima.
Narekober sang mga otoridad ang duha ka plastic sachet sang ginapatihan shabu kag duha ka bala sa motorsiklo sang suspek.
Nagaguwa sa imbestigasyon nga anay magkahagugma ang suspek kag ang babaye.
Suno sa Laoag City Police, nagapati ang suspek nga ang lalaki nga biktima amo ang bag-o nga partner sang babaye pagkatapos sang ila pagbulagay sang nagligad nga mga semana.
Sa karon, nagapangatubang na ang suspek sang kaso nga murder, frustrated murder, kag paglapas sa Comprehensive Dangerous Drugs Act.
