Nagdepensa ang PBA player nga si Fran Yu matapos gin-akusahan nga nagpanakit ini sang isa ka barangay kagawad sa Barangay 350, Sta. Cruz, Manila bangud sa problema sa parking.
Ginkumpirma sang NorthPort Batang Pier guard nga nag-park ini sang iya motorsiklo sa atubang sang isa ka fast food restaurant sang ginsaway ini sang isa ka barangay official.
Suno kay Yu, natingala siya nga may nagsaway sa iya bangud nga masami man siya nagabilin sang iya motor sa area.
Didto na natabo ang komprontahanay kun sa diin makit-an sa cctv footage nga nahulog sa kanal ang tanod kag gin-alegar nga gintiklod ini sang basketball player.
Nagpalapit man ang isa ka barangay kagawad kag nag-abot ang amay ni Yu kag may natabo liwat nga komosyon.
Nag-angkon ang kagawad sang mga injuries matapos ang insidente kag desidido nga magpasaka sang kaso batok kay Yu.
Sa bahin naman sang PBA player,nanindugan ini nga indi siya ang nag-umpisa sang away kag plano man nga magpasaka sang kaso batok sa kagawad.
