Nanindugan ang Philippine Coast Guard nga indi magpadaog sa China kaangot sa kinamatarong sa West Philippine Sea.
Sa interview sang Bombo Radyo kay Commodore Jay Tarriela, PCG Spokesperson for the West Philippine Sea, iya ginpahayag nga nagakadapat nga respetuhon sang China ang 2016 arbitral tribunal ruling sa diin nasaad diri nga sakop sang teritoryo sang Pilipinas ang West Philippine Sea.
Suno kay Tarriela, tanan nga tikang sang Pilipinas ang kinahanglan nga nagasunod sa international law kag non-escalatory.
Agud maprotektahan ang mga kinamatarong sang Pilipinas sa Exclusive Economic Zone (EZZ), ginpahayag ni Tarriela nga magapadayon sila sa pagpatigayon sang air surveillance flights kag maritime patrols.
Gindugang man sang natungdan nga ang manggad sa West Philippine Sea ang para sa mga Pilipino kag sa mga masunod pa nga henerasyon.
Nahibaluan nga ginaakusaran sang China ang Pilipinas nga padayon nga nagahimo sang probokasyon kag nagapalala sang sitwasyon sa West Philippine Sea.
