Patay na sang masapwan sa idalom sang kapahuan ang isa ka 16-anyos nga dalagita sa Bayambang, Pangasinan.
Ginapatihan nga ginhimuslan ini antes ginpatay sang tatlo ka mga suspek nga iya nakaupod sa ilimnan.
Suno sa pamilya sang biktima, gab-i na sang naghalin sa ila balay ang dalagita kag wala ini naglisensya.
May nagsugat nga tricycle kag gindala ini sa isa ka abandonado nga balay kag nag-inom kaupod ang mga suspek.
Suno sa imbestigasyon, nagpasugot ang biktima nga makighilawas sa isa ka suspek.
Apang luyag man sang isa pa ka lalaki nga makighilawas apang namalibad ang biktima nga nagresulta sa paghimulos kag pagpatay sa iya.
Nakit-an ang iya bangkay pila ka metros halin sa abandonado nga balay kag gintabunan sang sako.
May pilas ini sa ulo nga posible ginlampusan sang matig-a nga bagay.
Naaresto naman ang tatlo ka mga suspek.
Ipaidalom sa autopsy ang bangkay agud mapat-ud ang matuod nga natabo sa iya.
Nagapangatubang sa kaso nga rape with homicide ang mga suspek.
