Nabuko sang mga otoridad nga indi matuod nga may duha ka mga estudyante ang ginkidnap sang puti nga van kag naglapta sa social media sa Davao City.
Base sa naggwa nga impormasyon, may duha ka estudyante nga ginkidnap kag ginpasakay sa puti nga van malapit sa isa ka sang Pebrero 19, 2025.
Apang naggwa sa imbestigasyon nga nagligoy ang mga estudyante kag naglagaw sa isa mall.
Ginpilasan pa sang hungod sang mga estudyante ang ila lawas para suportahan ang ila pagbinutig.
Apang sang ulihi, nakit-an sila sa isa ka convenience store.
Suno kay Police Captain Hazel Tuazon, Davao City Police Office (DCPO) spokesperson, nahadlok ang mga estudyante nga maakigan sang ila ginikanan rason nga nag-imbento sila sang istorya.
Ipaidalom ang duha ka estudyante sa assessment kag monitoring sang social workers.
