Nakilal-an na ang lalaki nga nasapwan sa Brgy. Paga, San Enrique, Iloilo.
Ang lalaki amo si Carlos Alcarde, 47-anyos kag residente sang Rizal Jalandoni, Calinog, Iloilo.
Sa interview sang Bombo Radyo kay Police Lieutenant Christy Val Dalde, hepe sang San Enrique Municipal Police Station, iya ginpahayag nga mismo asawa ni Alcarde ang nagkumpirma nga bana niya ini matapos nabatian nga may nasapwan sa San Enrique.
Suno kay Dalde, base sa panaysayon sang iya asawa, alas-8 kahapon sang aga naghalin sa ila balay si Alcarde agud magpamiesta sa Barangay Cabagiao, Calinog kag wala na makapauli.
Nahibaloan nga si Alcarde ang may on-going nga kaso nga robbery-hold up sa banwa sang Calinog nga natabo sa isa ka hardware sang tuig 2022. Magluwas dira, wala naman sang mga nakontra ang biktima suno sa asawa.
Sa karon, padayon ang imbestigasyon sang San Enrique MPS kung paano nahimo ang krimen kag nakalab-ot sa amo nga banwa ang iya bangkay
