𝗜𝗟𝗢𝗜𝗟𝗢 𝗖𝗜𝗧𝗬 – Saulugon sa bulan sang Marso ang Fire Prevention Month sa bilog nga Pilipinas.
Tema subong nga tuig amo ang, “Sa Pamayanang Nagdadamayan, Sunog ay Maiiwasan.”
Sa interview sang Bombo Radyo kay Fire Senior Superintendent Melanie Habawel, Fire Marshall sa Iloilo City, iya ginpahayag nga katuyuan sini nga pabaskugon ang ihibalo sang publiko sa importansya sang paglikaw kag awareness sa sunog.
Suno kay Biliran, ginpili ang Marso bilang Fire Prevention Month bangud mataas sang numero sang mga insidente sang sunog sa amo nga bulan.
Pinaagi sa nagkalain-lain nga kampanya kag programa, gina-engganyo ang publiko nga mangin mas handa agud malikawan ang sunog kag mga aksidente.
Samtang suno naman kay Fire Senior Superintendent Bartolome Biliran, Fire Marshall sa Iloilo Province, patigayunon ang Fire Prevention Month 2025 sa Sabado, Marso 1, 2025 tubtob sa Marso 31, 2025.
Sa sini nga tion, may nagkalain-lain nga mga aktibidad nga pangunahan sang Bureau of Fire Protection (BFP) agud madugangan ang ihibalo sang publiko kaangot sa importansya sang fire safety kag malikawan ang mga insidente sang sunog.
