Nagtaas pa ang numero sang mga eskwelahan nga nagkanselar sang klase bilang kabahin sang pagdumdom sang ika-39 nga anibersaryo sang 1986 EDSA People Power Revolution.
Ini sa pihak nga gindeklarar nga ‘special working holiday’ ang nasambit nga adlaw nga Pebrero 25.
Tatlo ka unibersidad ang una nga nagdeklarar sang class suspension sang nagligad nga semana – De La Salle University, University of Santo Tomas kag University of the Philippines.
Tubtob subong, kapin sa 70 ka unibersidad, kolehiyo, kag hayskul ang nagsunod kag nagdesisyon nga kanselahon ang mga klase agod hatagan sang lugar ang pagdumdom sang makasaysayan nga adlaw.
Ini nga mga buluthuan halin sa Manila, Quezon City, Mandaluyong City, Marikina City, Parañaque City, Las Piñas, kag Makati City sa National Capital Region.
Pila ka mga unibersidad, kolehiyo, hayskul, kag elementarya halin sa iban nga probinsya kag syudad sa guwa sang Metro Manila ang sunod-sunod man nga nagdeklarar sang class suspension.
Lakip diri ang Cebu City, Baguio City, Pampanga, Batangas City, Lucena City, Lucena City, Puerto Princesa, Negros Occidental, Tacloban, Butuan City, Tarlac City, Alitagtag, Antipolo City, Tagbilaran City, Baggao, Cagayan, Davao Oriental, Pasig City, Cauayan City kag Cauayan City.
Samtang, magluwas sa class suspension sa Capas, Tarlac, ginpauntat man ang klase sa mga opisina sang gobyerno sa lugar.
