Wala sang pagpang-hawid-hawid si newly appointed Presidential Communications Office (PCO) Undersecretary kag Palace Press Officer Atty. Claire Castro sa mga ginpangbuy-an sini nga tinaga agud i-address ang latest statements ni former president Rodrigo Duterte batok kay President Ferdinand Marcos, Jr.
Kaangot ini sa pahayag ni Duterte nga wala sang transparency kaangot sa pagbaligya sang gobyerno sang gold reserves. Ginsiling man sini nga wala nakahibalo ang mga Pinoy kun sa diin ini kag tagpila ang pagbaligya sini.
”Wala ta kabalo ang gold diin gibaligya ug pila. They don’t bother to answer, and they don’t really bother to give a statement to the Filipino people,” suno sa former president sa isa ka campaign rally.
Ginkwestyon naman sang undersecretary kun isa na naman ini ka campaign joke. Ginhaylo man sini ang mga tawo nga indi magpati ilabi na bangud naka-promisa man anay si Duterte nga mag-jet ski sa West Philippine Sea apang wala man nahimo.
”Hindi ba ‘to campaign joke ulit ni dating Pangulong Duterte?’‘ suno kay Castro.
”Hindi pa ba tayo nasanay doon sa jet ski promise niya? Na noong naniwala tayo halos sa mga sumuporta sa kaniya ay tinawag tayong “stupido,” kapag naniwala ba tayo ulit sa sinasabi niyang ito eh baka mapagkamalan niya tayo ulit at tawagin tayong stupid,” dugang sini.
Dapat seryosohon ang amo sini nga mga statement suno kay Castro agud malikawan ang paglapta sang fake news. Ginsiling man sini nga isa ka regular nga aktibidad ang pagbaligya sang gold reserves, apang makatilingala nga ginasulit-sulit ini ni Duterte.
”Ang nagtataka lang ako, bakit paulit-ulit na bini-bring up ni dating Pangulong Duterte. Wala ba siyang mga economic experts na magsasabi sa kaniya kung ano ba talaga ang regular activities ng BSP?” suno pa kay Castro.
Sang Septyembre matandaan nga nagdepensa ang Bangko Sentral ng Pilipinas (BSP) nga ang pagbaligya sang gold holdings sa first half sang tuig ang makabig nga “active management strategy.”#
