Nagpaathag sa mga konsumidor sang MORE Electric and Power Corporation sa nagluntad nga unscheduled power interruption kaina sang aga.
Sa interview sang Bombo Radyo kay Engineer Fil Sonza Jr., manager system operation sang MORE Electric and Power Corporation, iya ginpahayag nga nakit-an sang talatapan sa ila linya nga kinahanglan may insaktuhon kon sa diin, mahimo i-reroute ang floating current.
Suno kay Sonza, nagsugod naman sila sang loading kag reenergization sa Megaworld, Diversion, kag Molo Substations.
Ginpunto man sini nga mahimo ma-reroute ang flow sa kuryente kon makitaan sang problema sa Sistema.
Ginklaro man sang natungdan nga mahimo mahalin sa lain nga substation agud mapadayon ang dalagan sang kuryente halin sa National Grid Corporation of the Philippines (NGCP).
