Nagpalabtik si Iloilo City Mayor Jerry Treñas kay Iloilo City Lone District Representative Julienne “Jam-jam” Baronda nga indi inutangan ang mga eskwelahan nga ginpatindog sang syudad.
Sa interview sang Bombo Radyo kay Treñas, iya ginpahayag nga ang tanan nga gintukod nga eskwelahan, ang pondo ang naghalin sa special education fund kag wala naghalin sa national government.
Suno kay Treñas, ang P2 billion nga budget sa mga eskwelahan ang wala sang bahid sang utang.
Ginpunto man sini ang legislative building nga nagabalor sang P250 million ang naghalin sa pondo sang Iloilo City government kag indi inutangan.
Ginplastar man sang natungdan nga ang sitwasyon sa merkado sa syudad ang yara sa income generating process naghalin ang gingamit nga pondo.
Gin-athag man sini nga nagaganar lamang sang budget agud mapondohan ang mga merkado rason nga may utang ang syudad.
