Natapos sa trahediya ang pag-practice sa pagmaneho sang motorsiklo sang rider sang gin-upod niya ang 8-anyos nga hinablos nga babaye sa Minglanilla, Cebu.
Natumba ang motorsiklo kag nalasakan sang truck ang bata.
Nahibaluan nga residente sa Cebu City ang biktima kag naglagaw lang sa iya nga lola.
Siya ang ginpasakay sang 34-anyos nga tiyo sa bag-o nga motorsiklo.
Sa imbestigasyon sang otoridad, nadulaan sang balanse ang tiyo nga rider kag natumba ang motorsiklo.
Nagtabog ang bata sa dalan kag natabuan nga may nagapadulong nga truck kag nalapakan gid ang bata kag napatay.
Wala naman sang plano nga magpasaka sang reklamo batok sa driver ang pamilya bangud nabaton nila nga aksidente lamang ini.
Apang naghingyo sila nga buligan sila sa gasto sa pagpalubong.
